Scampia Felix

Storie raccuntate 'ncopp' 'e muri
E scetanno cuscienze cu 'e culure
cammenava pe' 'sti strade
abballanno e suonanno 'o tamburo

Fa paura 'stu palazzo
ma è officina 'e cultura
'nu mammut ca scamazza
pregiudizi, ignoranza e paura 

E si ce contano sempe
una sola verità
scetammece d' 'o suonno
e abbiammo a alluccà 

Scampia Felix simm' nuje
Chi resiste e nun se ne fuje
È n'arrevuoto 'e gente
Ca chi rom nun sente

No nun è fabbrica 'e morte
nu mosaico allero fatt' 'e mattunelle rotte
Vele addò nun scioscie 'o viento
cittadinanza attiva, istituzioni assenti

E si ce contano sempe
una sola verità
scetammece d' 'o suonno
e abbiammo a alluccà 

Scampia Felix simm' nuje
Chi resiste e nun se ne fuje
È n'arrevuoto 'e gente
Ca chi rom nun sente

P' 'a gente era 'o pazzo 'o 'mbriacone
Chille ca purtava 'o Carnevale rint' 'o rione
Chille ca purtava nu poco 'e vita
Mmiez 'a chesta gente ca s'è scurdata 'e rirere
Regalanno culure all' uocchie 'e chi cammina
Pe 'sti strade senza fine
Ammiscanne aneme e culure
Pe pittà 'a cuscienza 'e 'stu munno.
So' Felice r'alluccà, so' Felice 'e sunnà
So' Felice 'e pittà, so' Felice 'e sta cca. 

‘o Rom
Carmine D' Aniello, Carmine Guarracino, Costel Lautaro, Roberto Caccavale, Patrizio Catalano. 

feat. Daniele Sanzone ('A 67). 

Sax di Pino Ciccarelli.

Da "Napulitan Gipsy Power" degli 'o Rom. Pizzicato Music (2019).

Brano composto per l' omonimo film "Scampia Felix" di Francesco Di Martino e del GRIDAS uscito nel maggio 2017.

Qui il videoclip ufficiale del brano creato dagli ‘o Rom.

Qui i Titoli di coda del film contenenti il brano integrale.

Il brano è uscito in anteprima nel doppio Cd "Gente do Sud" dei "Terroni Uniti", realizzato nel marzo 2017 e distribuito dal basso dalla piattaforma indipendente OpenDDB in supporto della campagna Alarm Phone per il soccorso in mare dei migranti.