Felice

P’ ‘a gente era ‘o pazzo ‘o mbriacone
chillo ca purtava ‘o carnevale dinto ‘o rione
chillo ca purtava nu poco ‘e vita
mmiezo a chesta gente ca s’è scurdata ‘e ridere
regalanno culuri all’uocchie ‘e chi cammina
pe’ ‘sti strade senza fine, senza fine

AMMESCO ANIMA E CULURI
PE’ PITTA’ ‘A CUSCIENZA ‘E ‘STU MUNNO

Ma era sulo dinto a chelli quatte mura
Sulo cu ‘e maschere e c’‘a pittura
Sulo a s’incazzà annanze all’indifferenza
‘e chi vo’ cagna’ e tene paura do ffa’
‘e chi s’ammocca ancora ‘e strunzate
‘e chi ci guverna ‘e chi se sta zitto pe’ vivere quieto
‘e chi guarda annanze e nun si gira arete
‘e ‘chi rommme e chi no’ e ancora nun se sceta
E allora ‘o vide ‘e alluccà, ‘o vide alluccà
Ca ‘n atu munno ce sta e furzanno ‘a mascatura de suonne
‘O può pure tuccà scanzanne ‘e fuosse ‘e chi nun vo’ ‘uardà
Pe’ ghì arete ‘o vico d’‘a verità addò l’anema piglia curaggio
E accumencia a respirà perdenne ‘a voce appriesso
A chi nun vo’ sentì e fa finta ‘e nun capì, e fa finta ‘e nun capì

AMMESCO ANIMA E CULURI
PE’ PITTA’ ‘A CUSCIENZA ‘E ‘STU MUNNO

Pe’ leva’ ‘o niro ‘a chesti mura
Pe’ cagna’ chistu munno
Ammesco anima e culuri
Pe’ da’ sciato a tutti ‘e suonne
Pe’ leva’ ‘o niro ‘a chesti mura
Pe’ cagna’ chistu munno
Ammesco anima e culuri
Pe’ da’ sciato a tutti ‘e suonne


‘A67
Daniele Sanzone, Alfonso Muras, Andrea Verdicchio, Enzo Cangiano e Luciano Esposito
dal disco SUBURB, Edel (Polosud), 2008.


Nel disco il brano, cantato con Francesco Di Bella (24 Grana), è preceduto dall'Inno dei muralisti cantato da Felice e estratto dal documentario "Felice!" di Matteo Antonelli e Rosaria Désirée Klain.